Greenhouse FX3 – Das UFO im Kaiserreich

Allmächd, a UFO!

Irchedswann amol hadd dä Kaiser a Bodschafd grichd, die er ned hadd endsiffern kennä. A Schriffd die er nu nie gsehng kabbd hadd. Er hadd seine bessdn Glehrdn dro erbäddn loun, damidd däi Nochrichd endsifferd wern konnd. Nach wochenlangä Erbäd homms is dann wergli gschaffd und dei Nochrichd endsifferd:

#unity 26.10. 5am UFO Landung #Frankfurt #München #Leipzig #Hamburg #Nürnberg #Berlin #Kassel

Alds di Glehrdn dei Nochrichd im Kaiser gehm hamm, hadd ä si gfreid wei a klans Audo. Er hadd si dann mid seine Kollehng aus di benachbarddn Reiche berahdn und dou hamms dann bschlossn, dass dei aa Landeblädds für dei UFOs bauä sulln. Damidd in seim Reich für des UFO aa a gscheidä Landebladds baud wänn hat kennä, hadd ä si middm Reich @Rehngschburch dsammädou und dou hamms dann bschlossn, dass des von @Freyung iebä @Oeddingä nach @Suhl gäi mou.

Dou homms dann äschdamal dei Geoloong in dei Oddä hi gschiggd, damidd dei dodd nochschauä kennä, ob des dodd alles su is weis sei soll und um di eggsaggdn Koordinahdn von di Eggbungdä fesddsulehng. Nachdem dei dann gsachdd homm „Alles rodschä, bassd scho“, homms dän ahn oddä andänn Fruusch äschdd amol beibrachdd, wos a Fluchloddsn, a Mahschällä oddä a Blanierä dsumm dou hadd. Drei Wochn, eddlichä Scheifälä und nu mähr Seidlä Bier schbädä woars dann am sechserdswanndsiggsdn Ogdobä endli suweid.

Obbä Allmächd! Wos woar edds dou aff amohl los? Dä Fluchloddsn fia den ahnä Bereich dou im Süddn woar aff amohl nimmä dou und kannä hadd gwussd wo ä abbliehm is. An Suchdrubb homms tswoar higschiggd, obbä aa nach a boar Schdundn homms nern nedd gfundn ghahbd. Dou homms dann obbä äschd amohl gscheid bleid aus ihrer Wäsch gschaud. Obbä alds dann widdä kloa homm denggn kennä, homms dann nu an Fluchloddsn aus #Wäddsburch ongaschiäd und dann homms doch nu mibbm Erbäddn fia dänn Landebladds ohfangä kennä.

A weng schbääda homm dann dei Blanierä a Iebäschwämmung gmeld! Dou reengds mohnadlang ned und ausgrechnd edds mous a su reengnä dass des gandsä Kaiserreich vo Frangn nei ind Ohberbfalds undä Wassä schdehd. Nachdem ses dann in dä Nachd doch nu gschaffd homm dei Iebäschwämmung wech dsumm griehng, homms obbä dann sehng mäin, dass des dou im Ossdn bei @Bairaid su grousse Lechä in di Dämm ghahbd hadd, dass dou immä nu Wassä neigloffn is und des midm Landebladds bauä niggs mäa werd in derä Nachd. Denn ahnä vo di Mahschällä, däa scho am Ahmd vuahä in Oeddingä woa, hadd des obbä aa nedd wergli gwundädd, wall er nämli dodd dei blaue blörre hadd sauffn mäin. Di Frösch hamm dann a weng bedröbbld aus ihrä Wesch gschaud und homm dann hamm geh mäin. Di andänn Reiche woarn dou erfolchreichä, dodd homm dei UFOs wergli landn kennä.

Am nechsdn Dooch hadd si dann ahner vo die Blanierä gmeld und gsachd, dasseran @deaddrobb gfundn hadd. Glei hadd dä Kaiser widdä seine Glehrdn ghuhld und innä des dsumm endsiffern gehm. Scho nach dswa Dooch homms is dann scho gschaffd ghabht und gwussd wos dou drin schdehd: a naiä Landedermihn firs UFO. Am zwahdn Novämbä wolld des UFO numohl kumma! Desmohl wolld dä Kaiser obbä aa wergli niggs rissgiän und hadd deswehng Fluchloddsn aus #Minchn , #Landshoud und #Hamburch daddsou gnummä, wall dei scho dei UFO-Landungä dodd saubä gmänäddschd ghabdd homm.

Um dei baldichä Landung von dämm UFO awall zu feiern, homms dann ann Dooch fuahäa am äschddn Novämbä in dä kaiserlichn Haubdschdadd Nämberch a Fesdmahl dselebriäd und dänoch nu des #IngressFS Fesdschbil, wall es woar ja dä äschdde Novämbä. Es woän dswoa alle Schlimbf und Fräsch ausm ganddsn Reich eiglohdn, aber fo die Schlimbf hamm si wohl die massdn verloffn oddä homm ka Lusdd ghabdd aff des Fesdschbil, wos obbä dämm Kaiser dann rälladief worschd woar, wall nämmli dänne Schlimbf und Fräsch dei dou woarn des Fesdmahl und des Fesdschbil gfalln hodd. Wäi dann di Fesdschbil vorbei woarn, homm si di Fräsch awall auf di Landung von dämm UFO gfraidd und homm dann aa midd die leddsdn Vorbereidungä ohgfangä.

Und wies halld su is, drei Stunddn vorm Därmin vo dä Landung vo dem UFO hadd annä vo di Fluchloddsn Broblehme midd seinä Sofdwäa und krichdd ka Verbindung mäa hi. Obbä desmohl hadd ja dä Kaiser aa wergli niggs rissgiän wolln und di Fluchloddsn aus #Minchn , #Landshoud und #Hamburch homm den Ausfall kombensiän und die Blanierä koodiniän kennä. Kudds nach Achdä in der Fräi am zwahdn Novämbä woars dann wergli suweid: Di Mahschällä aus Suhl homm durchgehm, dass die äschdä Lichdäkäddn nach #Freyung laichd! A weng schbähdä – so ummä halbä Achdä – woarn dann alle andänn Lichdäkäddn verlehchd und des UFO konnd wergli landn! So umma dsehn voa Nainä is dann obbä anner vo di Schlimbf in #Freyung iebä a Schdrohmkahbl gschdolbädd und alle Lichdäkäddn woarn auf ah mohl aus und des UFO hadd widdä hamm fliehng mäin.

Und wall sis desmohl gschaffd homm, dass des UFO hadd landn kennä, sinns danohch nu in Nämberch dsamm kummä, homm gschaid gfrühsdüggd und homm dann nu den Resd vom Dooch bei bessdm Kaiserweddä geniessn kennä.

Und nu wos:
Seibm fünfädswanndsiggsdn Oggdobä vermissn mir an vo unserä Fluchloddsn. Wer wos wass wo däa sei kennd oddä wos mit demm is, däa konn si an die Gollehng vom Zapservice NEA/BW wendn.

Faggdn:
Layeranzahl: 12
MU pro Layer durchschnittlich: 1.790.000
MU gesamt: 21.000.000
vermisste Fluglotsen: 1
Endergebnis der @IngressFS Festspiele: goo.gl/CrZ3us

middgmachd homm:

Glehrdä
@hassendesrosti

Fluchloddsn
@achkomm @cnarg @Frain @GDtec @hassendesrosti @mobe @Unifex

Mahschällä
Suhl: @scuffy @VXWN3644
Freyung: @Aquileia @R3si @Terbin
Oettingen: @Chamyra @nexus5maximus

Geoloong
@Aquileia @scuffy @simle @VXWN3644

Blanierä
@3xtr3m3 @Baljeet @berndgun @Biberl @blackpeat @Camokater @cubus @F63NNKJ4 @Fabnapp @FanTasMo @floutschster @gamingopa @gitterli @GraubJ74 @Grauloewe @guncity @H3X4 @habanero @HannesPaul @haxxx66666 @Hochopepa @ingridk @Kamikatze @Klappstuhl1 @Kyrano @Legionaer91 @luk112 @Maxomas @mh31 @Moondragon @petragun @pinguin16 @portalwalker @qrn @RSjabber @SanPalu @Simle @Springstoff @StillerBob @terrini @tigergirly @tippin @Unimatrix23 @vivaeltopo @w4verider @xxBINKYxx @Zeralngr

dt. Version
engl. Version